Kabashi: Gjyqtarët e Kushtetueses paskan pritë deri t’u dalin paret e trustit e me e çu Hotin te shpija

22:42 | 21 Dhjetor 2020
Gita

Gazetari dhe analisti politik, Bekim Kabashi ka ironizuar me vendimin e sotëm të Gjykatës Kushtetuese, e cila vendosi që vota e deputetit Etem Arifit të shpallet e pavlefshme dhe vendi të shkojë në zgjedhje brenda 40 ditëve.

Ai, në formë humori ka shkruar se po të ishte shpallur vendimi më herët, gjyqtarët nuk do i merrnin parat e trustit.

“Gjyqtaret e Kushtetueses paskan prite deri t’u dalin paret e trustit e me e cu Hotin te shpija. Kane thonë me e publiku ma herët na i nal paret”, është shprehur Kabashi.

Ndryshe, Gjykata Kushtetuese ka hedhur poshtë votën e deputetit Etem Arifi dhe ka urdhëruar u.d presidenten Vjosa Osmani, që të shpallë zgjedhjet e parakohshme në afat prej 40 ditësh. /arbresh.info/